بيقولك حرفيا، نقلوا المعادي كلها للمستقبل القريب، ولو عايز تروح المعادي لازم تروح تركب تاكسي من موقف جديد عملوه قدام نادي السكة. أركب التاكسي ال مكتوب عليه المستقبل القريب لأن ال مكتوب عليه المستقبل البعيد بيعدي بس أجرته أكبر.
ونقلوا غمرة كلها للماضي، ودي صعب شوية نروح لها، لإننا لازم نوقف الساعة قبلها بشوية، ونركب التاكسي ال مكتوب عليه الماضي بس مش شرط تلاقي هناك حاجة مكتوب عليها المستقبل القريب هناك، في الماضي، لأن ال احنا فيه دلوقتي هو المستقبل القريب للماضي بتاعهم.
المهم إنك لو رحت دلوقتي المعادي أو غمرة مش هتلاقيهم في مكانهم! هاتخبط في رمسيس وش لو أنت جاي من شارع بورسعيد أما لو أنت جاي من التحرير فهاتخبط وش في القصيرين. وكذلك بالنسبة للمعادي، ممكن تخبط عادي في حلوان أو طره.. انت وحظك بقى! :)
